Izraıl halqy jańa jyl merekesin toılaýda
ASTANA. QazAqparat - Evreıler aptap ystyqta palmanyń saıasynda kezekti Rosh Ha-Shana meıramyn qarsy alýda. Evreı halqy jańa jyl meıramyn kúzde toılaıdy, dep jazady 24.kz.
Dástúr boıynsha jemis toly dastarhan jaıylyp, oǵan mindetti 12 túrli taǵam qoıylady. Merekelik dastarhannyń negizgi máziri arnaıy pisirilgen nannan bastalady. Olar nannyń bir tiliminen keıin almany balǵa malyp jeıdi. «Jańa jyl jaqsy ári jaıly bolsyn», - dep tilek tileıdi.
Rosh Ha-Shana meıramynda dastarhanǵa kez kelgen taǵam qoıylmaıdy. Merekelik as mázirinen dám tatqanda aıtylatyn tilek de ártúrli. Máselen, anardy aýyzǵa alǵanda osy jemistiń dánindeı jetistigimiz de kóp bolsyn dep yrymdaıdy.
