Izraıl HQS-tan Netanıahýdy tutqyndaý týraly orderdiń kúshin joıýdy surady

ASTANA. KAZINFORM – Izraıl Halyqaralyq qylmystyq sottan (HQS) prokýror Karım Handy Izraılge qatysty is júrgizýden shettetýdi jáne Izraıl premer-mınıstri Bınıamın Netanıahýdy tutqyndaý týraly orderdiń kúshin joıýdy surady, dep habarlaıdy TASS aqparat agenttigi. 

- Izraıl HQS Apellıatsııalyq palatasyna prokýror Karım Handy Izraılge qatysty is júrgizýge qatysýdan shettetý týraly ótinish berdi. Budan basqa, Izraıl sottan prokýrordyń premer-mınıstr Bınıamın Netanıahý men burynǵy qorǵanys mınıstri Ioav Galantqa qarsy negizsiz tutqyndaý orderleriniń kúshin joıýdy surap otyr, - delingen málimdemede.

SІM ótinishte Izraıldiń tutqyndaý orderleriniń jaramsyzdyǵyna qatysty basqa da talaptary (Netanıahý men Galanttyń tutqyndalýyna qatysty), sonyń ishinde HQS ıýrısdıktsııasynyń joqtyǵyna baılanysty qarastyrylmaıtynyn qosyp ótti.

Syrtqy saıası vedomstvo ótinish prokýrordyń jeke ózine baılanysty sebepterdi alǵa tartyp Izraılge qarsy jalǵan jáne negizsiz aıyptaýlar taqty degen aqparatqa baılanysty berilgenin atap ótti.

- Bul áreketter qoǵamnyń nazaryn baǵynyshty qyzmetkerge qatysty jynystyq qýdalaý týraly aýyr aıyptaýlardan basqa jaqqa aýdarýǵa baǵyttalǵan. Osyǵan baılanysty prokýror premer-mınıstr men burynǵy qorǵanys mınıstrine negizsiz jáne shekten shyqqan tutqyndaý orderlerin shyǵardy, - dep túsindirdi Izraıl SІM.

Eske sala ketsek, Halyqaralyq qylmystyq sot ótken jyldyń qarasha aıynda palestınalyq HAMAS qozǵalysy áskerı qanatynyń qolbasshysy Muhammed ad-Deıfti qamaýǵa alýdy talap etti. Ol sondaı-aq Izraıl premer-mınıstri Bınıamın Netanıahý men qorǵanys mınıstri Ioav Galantty qamaýǵa alýǵa order berdi.