Izraıl Greta Týnberg jáne Gazaǵa barar jolda ustalǵan basqa belsendilerdi deportatsııalaıdy

ASTANA. KAZINFORM — Izraıl bıligi gýmanıtarlyq mıssııaǵa qatysýshylardy deportatsııalaıdy, olardyń arasynda shvedtik ekologııalyq belsendi de bar, dep habarlaıdy Kazinform menshikti tilshisi. 

Izraıl bir kún buryn Gaza sektoryna gýmanıtarlyq kómekpen bara jatqan Madleen kemesi bortynda halyqaralyq sýlarda ustalǵan shvedtik klımat belsendisi Greta Týnberg pen taǵy 11 quqyq qorǵaýshyny deportatsııalaýǵa kiristi. Izraıl SІM habarlaýynsha, olardyń barlyǵy Ben-Gýrıon áýejaıyna jetkizildi, ol jerden aldaǵy ýaqytta elderine ushady. 

— «Selfı ıahtasynyń» jolaýshylary Izraılden ketý úshin áýejaıǵa keldi. Deportatsııa qujattaryna qol qoıýdan bas tartqandar Izraıl zańnamasyna sáıkes sot bıligine tapsyrylady, — delingen Izraıl syrtqy saıası vedomstvosynyń resmı málimdemesinde.

Kemeni dúısenbi kúni Izraıl áskerı-teńiz kúshteri Gaza sektory jaǵalaýynan batysqa qaraı shamamen 185 shaqyrym jerde ustap alyp, Ashdod portyna súırep apardy. Reısti uıymdastyrýshylar, Freedom Flotilla koalıtsııasy bortta Frantsııa, Ispanııa, Shvetsııa jáne AQSh sııaqty birneshe elden tilshiler, dárigerler, quqyq qorǵaýshylar jáne azamattyq qoǵam ókilderi bolǵanyn aıtty.

Ustalǵandardyń arasynda Frantsııanyń alty azamaty, onyń ishinde eki tilshi — Al Jazeera telearnasynan Omar Faııad pen Blast ókili ıAnıs Mhamdı bar. Osyǵan baılanysty Frantsııa prezıdenti Emmanıýel Makron olardy tez arada otanǵa qaıtarýǵa shaqyrdy. «Shekarasyz tilshiler» uıymy Izraıldiń áreketin aıyptap, tilshilerdiń ustalýyn baspasóz bostandyǵyn buzý dep atady.

Koalıtsııalyq BAQ Madleen bortyna ızraıldik áskerlerdiń kemege mingenin kórsetken beınejazbany jarııalady. Belsendilerdiń biri basyp alý kezinde eshkim zardap shekpegenin aıtty. Izraıldiń Adalah quqyq qorǵaý uıymy ustalǵandarǵa quqyqtyq qoldaý kórsetip, olardyń ýaqytsha ustaý abaqtysyna aýystyrylýyn kútip jatqanyn rastady.

Túrkııa SІM Izraıldiń áreketin «jeksuryn shabýyl», al Iran SІM «teńiz qaraqshylyǵy áreketi» dep baǵalady. Eske sala ketsek, mamyr aıynda Malta jaǵalaýynda Freedom Flotilla-nyń Conscience atty taǵy bir kemesi kúdikti jaǵdaıda zaqymdanǵan bolatyn. Belsendiler muny Izraıldiń ushqyshsyz basqarylatyn ushaqtan jasalǵan shabýyly dep kúdiktenedi.

Gazadaǵy gýmanıtarlyq daǵdarys jaǵdaıynda mıssııaǵa qatysýshylar reıstiń maqsaty halyqaralyq qaýymdastyqtyń nazaryn BUU baǵalaýy boıynsha anklavtyń búkil halqyn asharshylyqtyń shegine jetkizgen blokadaǵa aýdarý ekenin málimdedi. 

Buǵan deıin Izraıl HAMAS jetekshisi Mohammed Sınvardyń kóz jumǵanyn rastaǵanyn jazǵan bolatynbyz.