Izraılge Lıvan aýmaǵynan 34 zymyran ushyrylǵan
TELЬ-AVIV. TASS- QazAqparat – Lıvan aýmaǵynan beısenbi kúni Izraılge kem degende 34 zymyran jiberilgen, olardyń 25-in Áýe shabýylyna qarsy qorǵanysh (ÁShQ) júıesi toqtatsa, 5-eýi Izraıl aýmaǵyna qulaǵan. Bul týraly Izraıl Qorǵanys áskeriniń baspasóz qyzmeti málimdedi, dep habarlaıdy QazAqparat TASS agenttigine silteme jasap.
«Batys Galıleı aýdanynda (Izraıldiń soltústiginde Lıvanmen shekarada) estilgen sırenalar týraly aqparattardan keıin, alǵashqy tergeý Lıvan aýmaǵynan Izraılge ushyrylǵan 34 zymyrandy anyqtady. 25 zymyrandy Izraıl Qorǵanys áskeriniń ÁShQ júıesi toqtatty. Bes zymyran Izraıl aýmaǵyna qulady. Qalǵan tórteýine keler bolsaq, olardyń qaıda túskeni týraly aqparat naqtylanyp jatyr», - delingen málimdemede.
Baspasóz qyzmeti «bul qorytyndy derek emes ekenin» atap ótti.
