Izraıl Gazany tolyq basyp alý operatsııasyn bastady

ASTANA. KAZINFORM — Izraıl armııasy basyp alýǵa daıyndalyp jatqan Gaza qalasyna jaqyn mańda shabýyldar bastalǵanyn jarııalady, dep habarlaıdy Anadoly aqparat agenttigi. 

Izraıl armııasynyń baspasóz hatshysy Effı Defrın keshki baspasóz máslıhatynda Qorǵanys mınıstrligi Gaza qalasyn basyp alý josparyn bekitkennen keıin «Gedeon arbalary 2» dep atalatyn operatsııaǵa daıyndyq bastalǵanyn málimdedi. 

Onyń habarlaýynsha, Izraıl armııasy qyrkúıek aıynyń basynda áskerge shaqyrylatyn 60 myńdaı rezervshige shaqyrý týraly habarlama jibergen, al 20 myń rezervshige qyzmet merzimin uzartý týraly buıryq berilgen. Ol Izraıl armııasynyń basyp alýǵa daıyndalyp jatqan Gaza qalasynyń aınalasyndaǵy Zeıtýn aımaǵynda shabýyldar jasap jatqanyn qosyp ótti.

Gaza sektoryndaǵy ızraıldik tutqyndardyń otbasylary Defrındi «tutqyndardyń ómirine qaýip tóndirdi» dep synady. Ol «tutqyndardyń otbasylarymen kelisetinin» jáne «olar bizdiń basymdyǵymyz» dep atap ótti.

Gazaǵa jasalǵan 10 myńnan astam shabýyl 

Izraıl armııasy ekinshi málimdemesinde 18 naýryz kúni atysty toqtatý kelisimin buzyp, Gazaǵa shabýyl jasap, áýe jáne teńizden 10 myńnan astam soqqy jasaǵanyn habarlady.

Izraıl armııasy 360 sharshy shaqyrym aýmaqta genotsıdke ushyraǵan 2 mln-nan astam adam turatyn Gaza sektorynyń shamamen 75 paıyzyn basyp aldy.

Izraıl 18 naýryzdan beri Gazada HAMAS-tyń 2 myńǵa jýyq múshesi óltirilgenin, Gazadaǵy operatsııaǵa bir ýaqytta bes rota qatysqanyn alǵa tartty. 

Armııa 18 naýryzdan beri álemde halyq eń tyǵyz qonystanǵan aımaqtaǵy genotsıdtiń bir bóligi retinde palestınalyqtar Gaza sektorynyń jaǵalaý beldeýiniń 25 paıyzyna qalaı kúshpen kóshirilgenin kórsetetin dıagrammalar jarııalady.

Qorǵanys mınıstri 20 aqpan kúni tańerteń Gazaǵa basyp kirý josparyn bekitti 

Izraıl Qorǵanys mınıstri Israel Kats tańerteń Bas shtab bastyǵy Eıal Zamır usynǵan Gaza qalasyna basyp kirý josparyn maquldady. 

Gaza qalasyna basyp kirý operatsııalary «Gedeon soǵys arbalary ІІ» dep ataldy.

Izraıl Gazaǵa basyp kirýge sheshim qabyldady 

8 tamyzda Izraıldiń qaýipsizdik kabıneti aımaqtyń soltústiginde ornalasqan Gaza qalasyna basyp kirý josparyn bekitti. 

Premer-mınıstr Bınıamın Netanıahý mınıstrler kabınetiniń otyrysy aldynda bergen suhbatynda olar Gaza sektoryn túgel basyp alýǵa nıetti ekenin málimdedi. 

Sondaı-aq Izraıl baspasózinde armııaǵa Gazanyń qalǵan bóligin basyp alýǵa buıryq berilgenin, biraq bul qadamnyń qyrkúıekke deıin oryndalmaıtyny habarlandy. 

Josparǵa sáıkes, birinshi kezeńde mıllıonǵa jýyq palestınalyq ońtústikke kóshirilip, qarqyndy shabýyldardan keıin qala qorshaýǵa alynyp, okkýpatsııalanatyn boldy.

Ekinshi kezeń Gaza sektorynyń ortalyq bóligindegi bosqyndar lagerlerin basyp alýdy qamtıdy. 
Izraıl Gaza sektoryn 1967 jyldan 2005 jylǵa deıin 38 jyl boıy basyp aldy. Búginde shamamen 2,3 mln palestınalyq turatyn Gaza sektory 18 jyldan beri qatań blokadada.

Buǵan deıin Halyqaralyq qaýymdastyq Izraıldi Gaza sektoryn basyp alýdy dereý toqtatýǵa shaqyrǵanyn jazdyq.