Izraıl Gazaǵa taǵy da soqqy berdi

ASTANA.KAZINFORM — Izraıl armııasy Gaza sektoryndaǵy atysty toqtatý rejımin buzyp, avıatsııa men artıllerııa qoldana otyryp, Gaza aımaqtaryna taǵy da soqqy berdi, dep habarlaıdy Anadoly.

Agenttiktiń habarlaýynsha, Gaza qalasynyń shyǵys bóligindegi ártúrli aımaqtar jappaı áýe shabýyldary men artıllerııalyq atqylaýǵa ushyrady.

Sondaı-aq Izraıl armııasy Gaza sektorynyń ortalyq bóligindegi Býreıj bosqyndar lageriniń soltústik-shyǵys bóligine shabýyl jasap, ártúrli aımaqtarǵa beı-bereket oq jaýdyrdy.

Gaza úkimetiniń baspasóz qyzmetiniń habarlaýynsha, atysty toqtatý kelisimi kúshine engennen beri Izraıl armııasy ony júzge jýyq buzyp, keminde 391 palestınalyqty óltirip, myńnan astamyn jaralaǵan.

Izraıldiń Gaza sektoryna 2023 jyly 8 qazanda bastap, eki jyl boıy jalǵasqan shabýyldary saldarynan 70 myńnan astam palestınalyq qaza tapty. Onyń basym bóligi áıelder men balalar.

Buǵan deıin Rafah týnnelinde qamalǵan jaýyngerlerdi qutqarý úshin HAMAS Izraılge qysym kórsetýdi surady.