Izraıl Gazaǵa taǵy da áýe soqqysyn jasady

ASTANA.KAZINFORM – AQSh prezıdenti Donald Tramp HAMAS-ty atysty toqtatý jónindegi kelisimge kelýge úndegennen keıin de, Izraıl Gaza sektoryndaǵy nysandarǵa áýe soqqylaryn jalǵastyrdy.

Израиль Газаға тағы да әуе соққысын жасады
Фото: Kazinform

Reuters saıtynyń málimetinshe, ızraıl tarapy Gaza men onyń mańyndaǵy aımaqtarǵa birneshe soqqy jasaǵan. Palestına densaýlyq saqtaý mınıstrliginiń dereginshe, shabýyl saldarynan keminde alty adam qaza taýyp, birneshe beıbit turǵyn jaralandy.

Áýe soqqylary Tramptyń jarııalaǵan jańa bitimine HAMAS-tyń kelisim berý múmkindigi qarastyrylyp jatqan sátke tuspa-tus keldi. AQSh basshysy eger HAMAS resmı kelisim berse, «atysty toqtatý rejımi dereý kúshine enedi» dep málimdegen bolatyn.

HAMAS ókilderi óz kezeginde Tramp usynǵan 20 tarmaqtan turatyn jospardyń keıbir tarmaqtaryn, sonyń ishinde tutqyndarmen almasý jáne áskerdi kezeń-kezeńmen shyǵarý máselelerin qaraýǵa daıyn ekenin málimdedi.

Сейчас читают