Izraıl Gazadaǵy palestınalyqtarǵa oq jaýdyrdy: 10 adam qaza tapty
ASTANA. KAZINFORM – Izraıl áskeri Gaza qalasynyń turǵyn aýdandaryn shabýyldaýdy jalǵastyryp jatyr. Bul týraly Anadoly habarlady.
Izraıl áskeri óz úılerinen qýylǵan palestınalyqtar panalaǵan shatyrlarǵa shabýyl jasap, saldarynan 10 adam qaza tapty, onyń ishinde balalar da bar.
Kýágerlerdiń aıtýynsha, Izraıl áskeri palestınalyq anklavtyń ońtústiginde ornalasqan Han-ıÝnýs qalasyndaǵy shatyrlarǵa shabýyl jasaǵan.
Qaza tapqandar men jaralanǵandar Han-ıÝnýstaǵy Nasır aýrýhanasyna jetkizildi.
Izraıl áskeri 19 qańtarda jarııalanǵan bitim kúshine engennen keıin eki aı ótken soń, 18 naýryz tańerteń Gazaǵa qarsy qarqyndy shabýyldaryn qaıta bastady.
Izraıl áskeriniń shabýyldaryn qaıta bastaǵan sátten beri 1652 palestınalyq qaza taýyp, olardyń basym kópshiligi — qarttar, áıelder men balalar, taǵy 4391 adam jaralandy.
2023 jylǵy 7 qazanda Izraıldiń Gazaǵa shabýyldary bastalǵaly beri palestınalyqtar arasyndaǵy qaza tapqandar sany 51 025 adamǵa jetip, jaralanǵandar sany 116 432 adam.
Aıta ketelik Izraıl áskerleri Gaza sektorynda, Lıvan jáne Sırııada qalady.