Izraıl Gazadaǵy operatsııasyn keńeıtýdi josparlap otyr
ASTANA. KAZINFORM – Izraıl premer-mınıstri Bınıamın Netanıahý 3 mamyr kúni qaýipsizdik máselesi boıynsha arnaıy májilis ótkizip, onda oǵan Gaza sektoryndaǵy keńeıtilgen shabýyl jospary usynyldy, dep habarlaıdy Euronews.
Onda sondaı-aq atalǵan operatsııa aıasynda rezervtegilerdi mobılızatsııalaý qajet bolatyny aıtylady.
Izraıl BAQ-tarynyń habarlaýynsha, bul túbegeıli pysyqtalǵan jospar, sebebi Izraıl kepildikte otyrǵan qalǵan adamdardy bosatqysy keledi.
Sarapshylardyń boljamynsha, jańa shabýyldar Donald Tramptyń óńirge 13-16 mamyr aralyǵyndaǵy saparyna deıin bola qoımaıdy (AQSh prezıdentin Saýd Arabııasynda, Birikken Arab Ámirlikterinde jáne Qatarda kútip otyr, Izraılde emes).
Al BUU-nyń gýmanıtarlyq máseleler boıynsha basqarmasy Izraıl shabýyldary saldarynan Gazanyń barlyq aımaǵynda beıbit turǵyndar mert bolyp jatqanyn habarlady.
Gazanyń Azamattyq qorǵanys agenttigi juma kúni jasalǵan Izraıl soqqylary saldarynan Palestına aýmaǵynda keminde 42 adamnyń kóz jumǵanyn habarlady.
Osyǵan deıin Izraıl Latakııadaǵy sırııalyq áskerı nysandarǵa soqqy jasaǵany týraly jazdyq.