Izraıl Gazadaǵy kólemi jaǵynan ekinshi sanalatyn Han-ıÝnýs qalasyn baqylaýǵa aldy
ASTANA. KAZINFORM – Izraıl áskeri Gaza sektoryndaǵy kólemi jaǵynan ekinshi sanalatyn Han-ıÝnýs qalasyn «Magen Oz» dep atalǵan dálizdiń kómegimen baqylaýǵa alǵanyn málimdedi.
Bul týraly Anadoly habarlady.
Áskerılerdiń málemdemesinde qalany shyǵystan batysqa qaraı kesip ótetin 15 kılometrlik dálizdiń qurylysy aıaqtalǵany aıtylǵan. Sondaı-aq olardyń aıtýynsha, jaıaý ásker men tankige qarsy bólimshelerdiń qoldaýymen salynǵan dáliz aldaǵy shabýyldar barysynda sheshýshi ról atqarady.
Áskerıler jarııalaǵan vıdeolar men sýretterde «Magen Oz» dáliziniń Rafah pen Han-ıÝnýsty bólip turǵan jáne osyǵan deıin salynǵan «Morag» dálizimen jalǵasatynyn kórýge bolady.
Jergilikti BAQ ókilderi Tel-Avıvtiń bul dálizdi atysty toqtatý úshin bolatyn kelissózder barysynda qysym kórsetý quraly retinde qoldanatynyn aıtyp jatyr.
Osyǵan deıin Izraıl shabýyldary saldarynan Gazada bir táýlikte 110 palestınalyq qaza tapqany týraly jazdyq.