Izraıl Gazada 70 myń adam qaza bolǵanyn rastady
ASTANA. KAZINFORM – Izraıl armııasynyń (TsAHAL) málimdeýinshe, Gaza sektory densaýlyq saqtaý mınıstrliginiń soǵysta qaza tapqandardyń sany jónindegi deregi negizinen durys.
Izraıl men HAMAS arasyndaǵy soǵysta Gazanyń 70 myń turǵyny qaza tapqanyn TsAHAL alǵash ret rastap otyr. Degenmen, olar deni saý adamdar arasynda ashtan ólgender bolmaǵanyn alǵa tartady.
Túrli halyqaralyq uıymdar taratqan aqparatqa sensek, qaza tapqandardyń basym bóligi – beıbit turǵyndar. Biraq The Jerusalem Post-tyń jazýynsha, Izraıl tarapy munymen kelispeıdi jáne marqumdardyń 25 myńy – HAMAS sodyrlary bolǵan dep sanaıdy.
Odan bólek, TsAHAL deregine júginsek, 2024 jyldyń basyna deıin HAMAS atqan zymyrandardyń 13%-y tehnıkalyq aqaýǵa baılanysty nysanaǵa jetpeı qulaǵan, sonyń saldarynan kóptegen palestınalyq mert bolǵan.
Sonymen birge, Izraıldiń málimetinshe, HAMAS saıası qarsylas degen aıyppen birqatar palestınalyqty jáne belgili bir aýdandardan ketýge talpynǵan beıbit turǵyndardy ólim jazasyna kesken.
Gaza densaýlyq saqtaý mınıstrliginiń dereginshe, 2023 jyly 7 qazanda soǵys bastalǵannan beri 71 667 kisi qaza tapqan. Onyń ishinde, 450-den astam adam 2025 jyldyń qazanynda atys toqtaǵannan keıin óltirilgen. Tabylǵan múrdelerdiń 90%-ynyń aty-jóni, jeke derekteri vedomstvo qujattarynda qamtylǵan.
Halyqaralyq uıymdar men keıbir BAQ-tyń habarlaýynsha, shamamen 450 palestınalyq ashtan ólgen. Alaıda TsAHAL «ne bul derekter jalǵan, ne soǵysqa deıin aýyr naýqasqa shaldyqqandardy tizimge qosqan» dep sanaıtynyn málimdedi.
For anyone who has doubted the humanitarian efforts throughout the war, let the numbers speak for themselves:
— LTC Nadav Shoshani (@LTC_Shoshani) January 29, 2026
🚛 112,000 humanitarian aid trucks brought in
🪂 13,000 food pallets airdropped
⛺️1,800,000 tents and tarps for shelter
🏥55,000 tons of medical equipment and medicine…
Izraıl áskeri ókilderi 2025 jyldyń maýsym-tamyz aılarynda jappaı azyq-túlik tapshylyǵy bolǵanyn moıyndady. Áıtse de, olar sol kezde jedel qımyldap, azyq-túlik tıegen júk kólikteriniń sanyn arttyryp, ashtyqtyń aldyn alǵanyn málimdedi. TsAHAL dereginshe, soǵys kezinde Gazaǵa 112 000 júk kóligimen gýmanıtarlyq kómek jetkizilgen. Onyń ishinde 1 700 000 tonna azyq-túlik tasymaldanǵan. Sondaı-aq 600 000 bala polıomıelıtke qarsy ekpe alǵan.
Alpamys FAIZOLLA