Izraıl Gaza sektoryna taǵy da soqqy jasaýy múmkin ekendigin eskertti
ASTANA. QazAqparat - Izraıl armııasy palestındik sodyrlar gýmanıtarlyq bitimgershilikten bas tartqannan keıin zymyranmen atqylaýyn doǵarmasa, Gaza sektoryna qarsy áýeden, jerden jáne teńizden áskerı is-qımyldardy qaıta jandandyrýǵa daıyn ekendigin málimdedi, dep habarlady sheteldik BAQ.
Izraıl bıligi BUU-nyń 24 saǵatqa bitimgershilik týraly usynysyn qabyldaǵanymen HAMAS toby tarabynan atalǵan usynys buzylǵan jaǵdaıda áskerı is-qımyldardy qaıta jandandyrýǵa daıyn ekendigin eskertti.
Buǵan deıin HAMAS basshylyǵy ızraıldik ásker Gazadan ketip, sektordyń turǵyndary óz úılerine oralǵanǵa deıin bitimgershilikke kelispeıtindigin málimdegen bolatyn.
Aıta keteıik, Izraıl men Gaza sektory arasyndaǵy jańa janjal bastalǵan 8 shildeden beri myńnan astam palestındik jáne 46 ızraıldik qaza tapty.
