Izraıl Gaza sektoryna birneshe áýe soqqysyn jasady
ASTANA. Shildeniń 31-i. QazAqparat - Izraıl juma kúni keshke Gaza sektoryndaǵy birneshe nysanaǵa áýe soqqysyn berdi, dep habarlaıdy RBK agenttigi.
Bul soqqyǵa Palestına aýmaǵynan Izraıldiń Ashkelon qalasynyń aýmaǵyna jasalǵan zymyran shabýyly sebep boldy, deıdi derek kózder. Ashkelonda zardap shekken adamdar tirkelmegen.
Al palestınalyq derekkózder, Gaza sekorynda birneshe jarylystyń bolǵanyn habarlaýda. Shabýyldyń saldarynan 9 adam jaraqat alǵan. Olardyń bári sektordy baqylaýshy HAMAS tobynyń qaýipsizdik qyzmetkerleri bolyp tabylady.
Keıinnen málim bolǵandaı, Izraıl taraby HAMAS-tyń polıtsııa bóliminiń jattyǵý keshenin nysanaǵa alǵan eken.
