Izraıl Gaza sektoryna áýeden soqqy jasady

NUR-SULTAN. QazAqparat – Izraıl qorǵanys kúshteri Gaza sektoryndaǵy ıslamshyl nysandarǵa áýeden soqqy jasady, dep habarlaıdy QazAqparat VVS aqparat agenttigine silteme jasap.

VVS taratqan aqparatqa sáıkes, áýe soqqysynan jıhadtyq toptardyń biriniń jetekshisi Ábý Mahmýd qaza tapqan.

«Islamdyq jıhad» (kóp elderde jumysy tyıym salynǵan ) tobynyń ókilderi kóshbasshynyń ólimin rastap, onyń ólimi úshin kek alýǵa ýáde berdi.
Juma keshinde Gazadan Izraılge qaraı júzge jýyq zymyran atqylandy. «Islamdyq jıhad» uıymy buny «alǵashqy jaýaptyń» bir bóligi dep ataǵan. Olardyń kóbin Izraıldiń «Temir kúmbez» zymyranǵa qarsy júıesi atyp túsirdi, biraq eldiń kóptegen jerlerinde áýe shabýylynyń sırenalary estilgen.
Osydan keıin Izraıl qarýly kúshteriniń qolbasshylyǵy Gazadaǵy sodyrlardyń nysandaryna soqqy berýdi qaıta bastaǵanyn habarlady.
Izraıl armııasy Gaza sektorynda áýe shabýyldaryn «erekshe jaǵdaıǵa» jaýap retinde jasaǵanyn málimdedi.
Shabýyldyń negizgi nysanasy «Islamdyq jıhad» qozǵalysynyń músheleri bolǵan. Nátıjesinde 15 sodyrdyń kózi joıylǵan.

Foto: bbc.com