Izraıl Gaza sektorynyń soltústigindegi turǵyndardy evakýatsııalaýǵa shaqyrdy
ASTANA. KAZINFORM – Izraıl áskeri zymyran ushyrylǵan Gaza men Djebalııanyń soltústik batysyna soqqy jasaıdy, dep habarlaıdy DW.
Áńgime Gazadan soltústik batysqa qaraı ornalasqan aýdan men Djebalııanyń mańy týraly bolyp otyr.
Izraıl áskerıleriniń habarlaýynsha, ol jaqtan zymyran ushyrylǵan. Izraıldiń qorǵanys áskeri «zymyryn ushyrýǵa paıdalanylatyn jerdiń ár bóligine shabýyl jasaıdy», dep málimdedi TsAHAL.
Izraıldiń qorǵanys áskeri 18 naýryz ben 29 mamyr aralyǵynda evakýatsııa týraly 32 buıryq shyǵarǵan, dep málimdedi FRANCE24.
Jýrnalısterdiń málimetteri boıynsha, Gaza sektorynyń aýmaǵynyń 2 mıllıonǵa jýyq adam turyp jatqan 78% jýyǵy osy buıryqtardyń yqpalynda tur.
Osyǵan deıin AQSh BUU-nyń Gazadaǵy atysty toqtatý týraly qararyna veto qoıǵany týraly jazdyq.