Izraıl Gaza sektorynyń ońtústigin evakýatsııalaýdy buıyrdy

Izraıl bıligi Gaza sektorynyń ońtústigindegi halyqty dereý kóshirýge buıyrdy. Bul týraly BUU-nyń gýmanıtarlyq máselelerdi úılestirý basqarmasyna silteme jasap TASS málim etti, dep habarlaıdy Kazinform.

«Izraıl armııasy 20 jeltoqsanda turǵyndary dereý evakýatsııalanýǵa jatatyn jańa aýmaqty belgiledi. Bul aýmaqqa Han-ıÝnıs qalasynyń ortalyq jáne ońtústik bólikteriniń 20% kiredi», – delingen basqarmanyń baspasóz qyzmeti taratqan málimette.

Sondaı-aq osy aımaqta Gaza sektorynyń soltústik bóligin tastap ketýge májbúr bolǵan 141 myńnan astam ishki bosqyn pana tapqan 32 nysan ornalasqan.

Budan buryn habarlanǵandaı, HAMAS gýmanıtarlyq úzilis týraly Izraıl usynysynan bas tartty.