Izraıl Gaza sektorynyń gýmanıtarlyq aımaǵyn evakýatsııalaýǵa buıryq berdi
ASTANA. KAZINFORM – Izraıl áskerıleri HAMAS-ty joıýǵa baǵyttalǵan jańa operatsııa aldynda Gaza sektorynyń gýmanıtarlyq aımaq dep jarııalanǵan bólikterin evakýatsııalaýǵa buıryq berdi, dep jazady Euronews.
Izraıl bıligi bul aımaqta qonystanǵan jáne ony evreı memleketiniń aýmaǵynda zymyran ushyrý úshin paıdalanǵan sodyrlarǵa qarsy operatsııa bastaýdy josparlap otyrǵanyn aıtty.
Osy aıdyń basynda Izraıl gýmanıtarlyq aımaqta mıllıonǵa jýyq palestınalyq bar ekenin málimdedi.
BUU men kómek uıymdarynyń málimetinshe, qazir aýmaqtyń kóp bóligin shatyrly lagerler alyp jatyr, sanıtarlyq-gıgıenalyq nemese medıtsınalyq mekemeler joqtyń qasy jáne kómekke qoljetimdilik shekteýli.
Mysyr, Katar jáne AQSh áli de Izraıl men HAMAS-ty soǵysty toqtatyp, kepilge alynǵandardy bostandyqqa shyǵarýǵa shaqyrady.
Esterińizge sala keteıik, 21 shilde kúni Izraıl ıranshyl hýsıt qozǵalysynyń baqylaýyndaǵy Iemen portyna shabýyl jasady. Óz kezeginde Iemendik hýsıtter Izraıldiń munaı qoımasy men portyna jasalǵan soqqyǵa jaýap retinde Eılatqa oq jaýdyrdy.
