Izraıl Gaza sektoryndaǵy nysandarǵa 100-den astam soqqy berdi
ASTANA. KAZINFORM – Izraıl Gaza sektoryndaǵy jappaı shabýylyn jalǵastyryp jatyr. Izraıl qorǵanys kúshteriniń (IDF) málimetinshe, keıingi táýlikte áskerıler 100-den astam nysanaǵa soqqy berdi, dep habarlaıdy Kazinform Euronews arnasyna silteme jasap.
IDF HAMAS paıdalanatyn ǵımarattar, zymyran tasyǵysh, týnnelder jáne basqa da ınfraqurylymdar zardap shekkenin habarlady.
Gazanyń Densaýlyq saqtaý mınıstrligi juma kúni Izraıldiń shabýyldarynan 24 saǵat ishinde keminde 60 adam kóz jumdy dep habarlady.
Sondaı-aq senbi kúni gýmanıtarlyq júk tıep bara jatqan júk kólikterin kúzetip turǵan qarýly alty palestınalyq ızraıldik ushqyshsyz ushaqtyń soqqysynan qaza tapty. IDF bul adamdardy HAMAS músheleri dep málimdedi.
Eske sala keteıik, buǵan deıin Frantsııa men Saýd Arabııasy HAMAS-ty Gazadaǵy bılikten shettetpeı qarýsyzdandyrý máselesin talqylap jatqanyn jazǵan edik.
