Izraıl Gaza sektoryndaǵy 320 nysanǵa shabýyl jasady
TsAHAL H áleýmettik jelisindegi (burynǵy Twitter) habarlamada HAMAS ınfraqurylymyn, onyń ishinde týnnel men jedel shtabtardy soqqylaǵanyn málimdedi.
Sondaı-aq onda shabýyl ızraıldik kúshterge qaýip tóndirýi múmkin, áreketke – ıaǵnı jer astymen basyp kirýge daıyndalyp jatqan nysandarǵa jasalǵany aıtylǵan.
Izraıldiń soltústigindegi qyzmeti týraly jeke esepte TsAHAL kúshteri Lıvanmen shekaradaǵy «Hezbollanyń» tórt uıymyna soqqy jasaǵanyn habarlaǵan.
Izraıl Qorǵanys mınıstri Ioav Gallant HAMAS-qa qarsy naýqan «bir aı, eki aı, úsh aıǵa sozylýy múmkin... jáne sońynda HAMAS joıylady» dep atap ótti.
Gallant «TsAHAL-dy (Izraıl qorǵanys kúshteri) eshteńe toqtata almaıdy» dep tolyqtyrdy.
«Bul – bizdiń Gaza sektoryndaǵy sońǵy operatsııamyz bolýy kerek, sebebi odan keıin HAMAS uıymy bolmaıdy», - dep ýáde etti ol.
Mınıstr Áskerı áýe kúshterine alǵys aıtyp, kelesi kezeń – kópten kútken jer betindegi operatsııa bolatynyn, oǵan az qalǵanyn málim etti. Biraq ol «HAMAS bizdiń tank jáne jaıaý áskerimizben kezdespes buryn, avıatsııanyń snarıadtarymen tanysady» dedi.
Ázirge TsAHAL jer betindegi operatsııany qashan bastaıtyny belgisiz.
Sol aralyqta, Palestına Іshki ister mınıstrligi qazir ǵana Gaza sektorynyń soltústigine jasalǵan Izraıldiń eki shabýylynan 17 adam qaza taýyp, ondaǵan turǵyn jaraqat alǵanyn habarlady.
Resmı tulǵalardyń sózinshe, búgin tańerteń olardyń biri Djabalııadaǵy úıge, ekinshisi Ál-Falýga aýdanyndaǵy páterge túsken.
Gaza sektorynyń ortalyq bóligindegi Deır-el-Balahta taǵy 10 adam óltirildi, dep tolyqtyrdy mınıstrlik.
Jeksenbi kúni Gaza sektoryna gýmanıtarlyq kómek tıelgen 14 júk kóligi jetti, biraq BUU odan aıtarlyqtaı kóp kómek kerek ekenin eskertti.
Jaqyn kúnderi Nıderland premer-mınıstri Mark Rıýtte men Frantsııa prezıdenti Emmanýel Makron Izraılge barady dep josparlanǵan.