Izraıl Gaza sektorynda taktıkalyq úzilis jarııalady

ASTANA. KAZINFORM – Izraıl Qarýly kúshteri Gaza sektorynda gýmanıtarlyq kómekti taratý úshin áskerı is-qımyldarǵa taktıkalyq úzilis engizdi. Bul sheshim BUU jáne basqa da halyqaralyq uıymdarmen kelissózderden keıin qabyldandy, dep habarlaıdy i24NEWS telearnasy.

Arnanyń málimetinshe, gýmanıtarlyq úzilis jeksenbi kúni jergilikti ýaqytpen saǵat 10:00-den 20:00-ge deıin kúshinde bolady jáne Izraıl armııasy belsendi áskerı operatsııa júrgizbeıtin aımaqtarda — Al-Mavası, Deır-el-Balah jáne Gaza qalasynda kún saıyn qaıtalanady.

«Izraıl Qorǵanys armııasy gýmanıtarlyq kómekti qamtamasyz etýdi jalǵastyrady jáne qajet bolǵan jaǵdaıda lańkestik uıymdarǵa qarsy shabýyldardy keńeıtýge daıyn», – delingen resmı málimdemede.

Aıta keteıik, buǵan deıin Gaza sektoryna gýmanıtarlyq júk parashıýt arqyly qaıta jetkizile bastaǵany habarlanǵan bolatyn.