Gaza sektorynda qaza tapqan taǵy eki tutqynnyń máıiti Izraılge jetkizildi
ASTANA. KAZINFORM – Izraıl Halyqaralyq Qyzyl Krest komıtetiniń aralasýymen Gaza sektorynda qaıtys bolǵan tutqyndardyń taǵy ekeýiniń súıegin qabyldap aldy, dep habarlaıdy TASS agenttigi.
Bul týraly Izraıl premer-mınıstri Bınıamın Netanıahýdyń keńsesi málimdedi.
Málimdemege sáıkes, jaqyn arada áskerı qyzmetkerler deneler salynǵan tabyttardy Izraıl aýmaǵyna jetkizedi. Onda sot-medıtsınalyq sarapshylar máıitterdi taný rásimin júrgizedi.
Premer-mınıstr keńsesi atap ótkendeı, «tutqyndardy qaıtarý jumystary úzilissiz jalǵasyp jatyr jáne sońǵy tutqyn elge oralǵanǵa deıin toqtamaıdy».
Buǵan deıin Izraıl bosatylýy tıis palestınalyq tutqyndardyń tizimin qaıta qaraǵanyn jazǵanbyz.
