Izraıl Gaza sektorynda atysty toqtatý rejımin jańartty
ASTANA. KAZINFORM – Izraıl Gazaǵa birneshe ret soqqy bergennen keıin atysty toqtatý rejımin jańartty. Bul týraly Izraıl armııasy (TsAHAL) málimdedi.
- Saıası eshelon dırektıvasyna baılanysty jáne HAMAS tarapynan buzýshylyqtarǵa jaýap retinde birqatar iri soqqydan keıin TsAHAL atysty toqtatý rejımin saqtaýdy qamtamasyz etý jónindegi sharalardy jańartty. TsAHAL atysty toqtatý týraly kelisimniń sharttaryn oryndaýdy jalǵastyrady jáne onyń kez kelgen jaǵdaıda buzylýyna qatań jaýap beredi, - delingen Izraıl armııasynyń Telegram-daǵy habarlamasynda.
Aıta keteıik, 10 qazandaǵy atysty toqtatý kelisimine qaramastan Izraıl áskeri 19 qazanda Gaza sektorynyń soltústigindegi Djabalııa aımaǵyna áýeden soqqy berdi.
Qaýipti jaǵdaıǵa baılanysty qutqarý qyzmeti oqıǵa ornyna birden jete almady.
Palestınanyń resmı aqparat agenttigi WAFA-nyń habarlaýynsha, Izraıl áskerı ushaqtarynyń Jabalııa bosqyndar lagerine jasaǵan shabýylynan eki palestınalyq qaza taýyp, birneshe adam jaralanǵan.
Shabýyl Gazadaǵy shıelenistiń atysty toqtatýdan keıin de jalǵasyp jatqanyn kórsetedi. Djabalııa aımaǵy Izraıl «sary syzyq» dep belgilegen áskerı aımaqtarǵa jaqyn ornalasqan.
Sonymen qatar Izraıl armııasy Gaza sektorynyń ońtústigindegi Rafah qalasyna áýeden soqqy berdi.