Izraıl Gaza sektoryna kezekti ret shabýyl jasady
ASTANA. KAZINFORM – Izraıl armııasy Gaza sektorynyń okkýpatsııalanǵan aýdandaryna áýe jáne artıllerııalyq soqqy jasady. Atap aıtqanda, Gaza jáne Rafah qalalary atqylaýǵa ushyrady, dep habarlaıdy Anadoly.
Qazirgi ýaqytta Izraıl áskeri sektor aýmaǵynyń 50 paıyzdan astamyn okkýpatsııalaǵan.
2025 jylǵy 10 qazanda, beısenbi kúni Izraıl úkimeti atysty toqtatý týraly usynysty maquldady. Izraıl men palestınalyq HAMAS qozǵalysy AQSh prezıdenti Donald Tramptyń Gaza sektoryndaǵy soǵysty toqtatý jónindegi bastamasynyń alǵashqy kezeńi aıasynda atysty toqtatý jáne ızraıldik tutqyndardy palestınalyq tutqyndarǵa aıyrbastaý týraly kelisimge keldi.
9 qazan kúni tústen keıin Gazada atysty toqtatý rejıminiń «de-fakto» kúshine engeni jarııalandy.
Mysyrdyń Sharm-esh-Sheıh kýrortty qalasynda Gazadaǵy atysty toqtatý týraly kelisimniń birinshi kezeńin iske asyrý jónindegi qujatqa qol qoıyldy.
Eske salaıyq, 2025 jyly Izraıl shabýyldary saldarynan Gaza ekonomıkasyna keltirilgen shyǵyn 33 mlrd AQSh dollarynan asty. Gaza bıliginiń baspasóz qyzmeti Izraıl shabýyldarynyń saldary jónindegi jyldyq statıstıkany jarııalady.