Izraıl Gaza sektoryna elektr energııasyn berýdi toqtatty
ASTANA. KAZINFORM — Izraıldiń energetıka mınıstri Elı Koen Gaza sektoryna elektr energııasyn berýdi dereý toqtatý týraly sheshim qabyldaǵanyn málimdedi, dep habarlaıdy Anadolý agenttigi.
The Times of Israel gazetiniń málimetinshe, Izraıldiń energetıka mınıstri Elı Koen Gaza sektoryna elektr energııasyn berýdi toqtatý týraly buıryq bergenin jarııalady.
Habarlamaǵa sáıkes, Koen bylaı dedi:
— Biz barlyq tutqyndardy qaıtarý úshin qolymyzdaǵy barlyq múmkin quraldy paıdalanamyz.
Mınıstr Koen Izraıldiń energetıkalyq kompanııasyna (IEK) Gaza sektorynyń elektr stantsııalaryna elektr energııasyn satýdy toqtatýdy tapsyrdy.
42 kúnge sozylǵan atysty toqtatý týraly kelisimniń alǵashqy kezeńi aıaqtalǵannan keıin, Izraıl Gaza sektoryna gýmanıtarlyq kómekti jetkizýdi de toqtatty.
Premer-mınıstr Bınıamın Netanıahý eger HAMAS tutqyndardy bosatpasa, «qosymsha sharalar» qoldanatynyn eskertti.