Izraıl Gaza sektoryna barlyq turaqty áskerı brıgadalaryn kirgizdi
ASTANA. KAZINFORM – Izraıl armııasy Gaza sektoryna barlyq turaqty jaıaý ásker jáne tank brıgadalaryn ornalastyrdy, dep habarlaıdy Euronews.
Izraıldiń qorǵanys armııasy (TsAHAL) Gaza sektorynda pehotalyq jáne brondalǵan brıgadalarynyń barlyǵyn iske qosqan. Izraıl bul arqyly Gazadaǵy aýqymdy shabýylyn kúsheıtip jatyr.
Buǵan deıin Izraıl bıligi HAMAS tutqyndar máselesi boıynsha kelisimge kelip, qarýsyzdanǵanǵa deıin TsAHAL shabýyldy jalǵastyratynyn málimdegen bolatyn.
Gaza sektorynyń densaýlyq saqtaý mınıstrliginiń habarlaýynsha, Izraıl áýe shabýyldarynan qaza tapqan 79 adamnyń máıiti aýrýhanalarǵa jetkizilgen. Bul kórsetkishke soltústiktegi zardap shekken aýdandardyń aýrýhanalary kirmeıdi, sebebi olar Izraıl áskeriniń qorshaýynda qalyp, oǵan kirý nemese shyǵý múmkin bolmaı otyr.
Aıta keteıik, buǵan deıin Izraıl Gaza sektoryndaǵy nysandarǵa 100-den astam áýe soqqysyn jasaǵan bolatyn.