Izraıl Gaza sektoryna azyq-túlikti parashıýtpen tastaýǵa ruqsat bermek
ASTANA. KAZINFORM — Jaqyn arada Izraıl Iordanııa men Birikken Arab Ámirlikterine Gaza sektoryndaǵy turǵyndarǵa gýmanıtarlyq kómekti parashıýtpen tastaýǵa ruqsat bermek. Bul týraly palestınalyq aýmaqtardaǵy azamattyq máselelermen aınalysatyn Izraıl armııasynyń qurylymy — COGAT ókili málimdedi, dep jazdy BBC.
Ótken jyly kóktemniń basynda AQSh pen Ulybrıtanııa áskerı kúshteri Iordanııa, Egıpet jáne Frantsııamen birlesip, Gazaǵa parashıýt arqyly ondaǵan myń daıyn azyq-túlik portsııasyn jetkizgen bolatyn.
HAMAS ókilderi, Gaza turǵyndary jáne kóptegen sheteldik kóshbasshylar men gýmanıtarlyq jáne adam quqyǵyn qorǵaý uıymdary birneshe aıdan beri Izraıldiń azyq-túlik jetkizýge shekteý qoıýy saldarynan Gaza halqyna jappaı asharshylyq qaýpi tónip turǵanyn aıtyp keledi. Kóptegen jergilikti turǵyndardyń qazirdiń ózinde ashtyq kórip jatqany kúnde habarlanyp jatyr.
Izraıl bul aıyptaýlardy joqqa shyǵaryp, azyq-túlik jetkizý kólemine esh shekteý qoıylmaǵanyn alǵa tartty.
Eske sala keteıik, buǵan deıin BUU Bas hatshysy Antonıý Gýterrısh Qaýipsizdik keńesiniń ashyq otyrysynda sóılep, halyqaralyq mindettemelerdiń óreskel buzylýyna alańdaýshylyq bildirip, Gaza sektoryndaǵy gýmanıtarlyq apattyń aýyr ekenin atap ótken edi.