Izraıl Gaza sektoryna áýe shabýyldaryn qaıta bastady
ASTANA. KAZINFORM – Izraıl armııasy 2025 jyldyń 10 qazanynda kelisilgen atysty toqtatý kelisimin buzyp, Gaza sektorynyń ártúrli bólikterine birqatar áýe jáne artıllerııalyq soqqy berdi, dep habarlaıdy Kazinform Anadolu agenttigine silteme jasap.
Anadolu agenttiginiń habarlaýynsha, Izraıl áskerı ushaqtary eksklavtyń Mysyrmen shektesetin eń ońtústik eldi mekeni Rafahtyń shyǵys aýdandaryn atqylaǵan. Áskerı kólikter Han ıÝnýstyń shyǵys aýdandaryna oq jaýdyrdy, al Izraıl áskerı-teńiz kúshteri qalanyń jaǵalaý beldeýin atqylady.
Eksklavtyń ákimshilik ortalyǵy Gaza qalasynda birneshe aımaq áýeden de, artıllerııadan da atqylaýǵa ushyrady.
Atysty toqtatý kelisimi kúshine engennen beri Izraıldiń atqylaýynan 612 palestınalyq qaza taýyp, taǵy 1 640 adam jaralanǵany atap ótildi.
Izraıldiń eksklavqa jappaı shabýyldary 2023 jyldyń 8 qazanynda bastaldy. Sodan beri 72 000-nan astam palestınalyq qaza taýyp, 171 000-nan astamy jaralandy. Azamattyq ınfraqurylymnyń 90 paıyzy qıraǵan.
Buǵan deıin Izraıldiń áýe soqqysynan Lıvannyń shyǵysynda keminde 10 adam qaza tapty.