Izraıl Gaza sektoryna 45 palestınalyqtyń máıitin tapsyrdy
ASTANA. KAZINFORM — Izraıl Halyqaralyq Qyzyl Krest komıteti arqyly Gaza sektoryna qaza tapqan 45 palestındiktiń máıitin tabystady, dep jazady Sınhýa.
Bul týraly sársenbi kúni palestınalyq anklavtyń Densaýlyq saqtaý mınıstrligi habarlady.
Mınıstrliktiń málimdemesinde kórsetilgendeı, osy aptada qaıtarylǵan máıitterdiń jalpy sany 90-ǵa jetti. Qalǵan 45 adamnyń máıiti 14 qazanda tapsyrylǵan bolatyn.
Máıitterdi tapsyrý protsesi 10 qazanda kúshine engen bitim týraly kelisimnen birneshe kún ótken soń júzege asty. Bul kelisim Mysyrdyń araǵaıyndyǵymen júrgizilgen belsendi kelissózder nátıjesinde jasaldy.
Kelisimge sáıkes, Izraıl áskeri ishinara shyǵarylyp, tutqyndar almasý jáne Gaza sektoryna gýmanıtarlyq kómekti jetkizý úshin shekara ótkelderin ashý qarastyrylǵan.
Eske salsaq, osydan buryn HAMAS Izraılge kepilge alynǵan tórt adamnyń denesin tapsyrǵany anyqtaldy.
Sonymen qatar Izraıl Gaza sektoryna gýmanıtarlyq kómek kólemin arttyrýǵa ruqsat berdi.