Izraıl Gaza qalasyna shabýylyn jalǵastyrdy, mert bolǵandar 65 myńnan asty

ASTANA. KAZINFORM – Izraıl áskeri Gaza qalasynyń ishine kirdi. Qaladan qashqan adamdar sany kóbeıip barady, soqqylardyń saldarynan telefon men ınternet baılanysy qaıta-qaıta úzilip jatyr, dep habarlaıdy Euronews.

Izraıl áskerı áýe kúshteriniń habarlaýynsha, artıllerııalyq bólimsheler osy aptada qalaǵa 150-den astam soqqy jasaǵan. Nátıjesinde Izraıl HAMAS ókilderi áskerı baqylaý beketteri retinde paıdalanyp otyr dep habarlaǵan bıik munaralar qırady.

Izraıl áskerleri HAMAS-tyń áskerı ınfraqurylymyn joıǵysy keletinin aıtady, alaıda shabýyldyń qanshaǵa sozylatyny týraly habar joq. Olar Gazany HAMAS bıliginiń ortalyq jelisi dep otyr.

TsAHAL málimetterine qaraǵanda, dúısenbi kúni bastalǵan qurlyqtyq operatsııa barysynda Gazadan 500 myń palestınalyq ketip qalǵan.

Sektordaǵy aýrýhana qyzmetkerleriniń habarlaýynsha, Izraıldiń túnde jasaǵan soqqylarynyń saldarynan keminde 16 adam qaza boldy. Olardyń arasynda áıelder men balalar da bar. Al HAMAS úkimetiniń quramyna kiretin Gazanyń densaýlyq saqtaý mınıstrliginiń málimetterinshe, anklavta mert bolǵandar sany 65 062 adamǵa jetti.

Mınıstrlik qurbandardyń arasynda beıbit turǵyndar men sodyrlar qansha ekenin aıtpaı otyr. Alaıda áıelder men balalar mert bolǵandardyń jartysyn qurap otyrǵanyn jetkizdi.

Osyǵan deıin Halyqaralyq gýmanıtarlyq uıymdar Izraıldiń Gazaǵa shabýylyn toqtatýǵa shaqyrǵan bolatyn.