Izraıl Gaza boıynsha jańa kelissózderge daıyn

ASTANA. KAZINFORM – Izraıl delegatsııasy Gaza boıynsha kelissózder júrgizý úshin Qatarǵa keldi, dep habarlaıdy BBC.

Kelissózder barysynda Izraıl delegatsııasy HAMAS-pen Gazada atysty toqtatý týraly sońǵy usynysty talqylaıdy.

Izraılde soǵysty toqtatý týraly qysym kórsetilip otyrǵan permer-mınıstr Benıamın Netanıahý búgin AQSh-qa ushyp ketti. Ol dúısenbi kúni Donald Tramppen kezdesedi.

Buǵan deıin AQSh prezıdenti Izraıl tarapynyń Gaza sektorynda atysty eki aıǵa toqtatý týraly shartqa kelisip otyrǵanyn aıtqan edi. HAMAS óziniń sharttaryn qoıyp edi, oǵan Izraıl tarapy «aqylǵa sımaıdy» dep jaýap berip úlgerdi.

- Qalyptasqan jaǵdaıdy baǵalaı otyryp, Netanıahý Izraıl kelisken Qatardyń usynysy negizinde kepildegi azamattardy qaıtarý boıynsha jumystarǵa kúsh salý úshin Qatarǵa delegatsııa jiberý týraly sheshim qabyldady, - dep málimdedi premer-mınıstrdiń keńsesi.

Bul aralyqta Izraılde jergilikti turǵyndardyń narazylyǵy órship barady. Іri qalalarda Gaza sektorynda kepildikte otyrǵan azamattardyń barlyǵyn bosatý týraly talappen aktsııalar ótti.

Izraıl tarapynyń málimetteri boıynsha, Gazada áli kepildikte otyrǵan 50 adamnyń 20-sy tiri, 28-i ólgen, taǵy ekeýiniń jaǵdaıy ázirge belgisiz.

Osyǵan deıin Tramp Izraıldiń 60 kúndik bitimge kelýdiń sharttarymen keliskeni týraly málimdegen bolatyn.