Izraıl ǵalymdary COVID-19-dyń jarqanattardan taralǵanyn joqqa shyǵardy

NUR-SULTAN. QazAqparat – Tel-Avıv ýnıversıtetiniń ǵalymdary zertteý júrgizip, nátıjesinde koronavırýs pandemııasynyń paıda bolý kózi – jarqanattar degen nusqaǵa dálel bolatyn derekter tappady. Bul týraly COVID-19 taralýyna jol bermeý jónindegi vedomstvoaralyq komıssııanyń telegram kanalynda jarııalandy, dep habarlaıdy QazAqparat.

«Biz júrgizgen jan-jaqty zertteý jarqanattardyń COVID-19 indetiniń taralý kózi bolýy múmkindigine qatysty zor kúmán týdyrady», - deıdi zertteý jetekshisi.

Ǵalymdardyń pikirinshe, jarqanattar basqa sútqorektiler úshin qaýipti dep sanalatyn vırýstarmen ońaı kúresýge múmkindik beretin óte tıimdi ımmýndyq júıege ıe.

Zertteýshiler koronavırýstyń ejelgi kishi túrleriniń kózi jarqanattar bolýy múmkin ekendigi týraly dálelder bar bolsa da, koronavırýs pandemııasyna qatysty bul nusqaǵa senimdilik joqtyǵyn alǵa tartady.

Jarqanattarda COVID-19 antıdeneleriniń bolýy olardyń uqsas aýrýǵa shaldyqqanyn jáne oǵan ımmýnıtetti damytqanyn bildiredi, biraq bul janýarlardyń mundaı vırýstyń «rezervýary» ekenin dáleldemeıdi.

Foto: static.scientificamerican.com