Izraıl «Evrovıdenıe-2026» baıqaýyna qatysatyn boldy

ASTANA. KAZINFORM — Eýropalyq habar taratý odaǵy Izraıldiń 2026 jyly Venada ótetin «Evrovıdenıe» án baıqaýyna qatysýyna ruqsat berdi, dep habarlaıdy DW.

Bul sheshimge Nıderland, Irlandııa, Ispanııa jáne Slovenııanyń telekompanııalary qarsylyq bildirip, baıqaýǵa boıkot jarııalady

Jenevada 4 jeltoqsanda Eýropalyq habar taratý odaǵynyń (EBU) Bas Assambleıasy baıqaý erejelerine ózgeris engizý máselesin qarady. Kópshilik delegattar jańa normalardy qoldap, «Evrovıdenıe» saıası yqpaldan ada bolýy tıis ekenin atap ótti.

EBU málimdeýinshe, jańa qaǵıdalar baıqaýdyń senimdiligin, ashyqtyǵyn jáne saıası beıtaraptyǵyn kúsheıtýdi kózdeıdi. Daýys berý qorytyndysyna saı, EBU-ǵa múshe kez kelgen ulttyq habar taratý uıymy jańa erejelermen kelisse, «Evrovıdenıe-2026» baıqaýyna qatysa alady.

Osylaısha, Izraıldiń qatysý máselesi kún tártibinen alynyp tastaldy.

Baıqaý erejelerindegi ózgerister saıası faktorlardyń yqpalyn azaıtýdy maqsat etedi. Máselen, belgili bir eldi qoldaýǵa baǵyttalǵan kampanııalardyń áserin tómendetý jáne ulttyq qazylar alqasynyń rólin kúsheıtý qarastyrylǵan. Jańa format boıynsha qazylar alqasynyń upaılary jartylaı fınalda qaıta esepke alynady.

Aıta keteıik, «Evrovıdenıe-2025» baıqaýyn Avstrııa jeńip aldy.