Izraıl evreı qonystarynyń qurylysyna salynǵan moratorııdi uzartýy kerek - araǵaıyndar «tórttigi»
ASTANA. Qyrkúıektiń 21-i. QazAqparat - Izraıl Iordan ózeniniń Batys jaǵalaýyndaǵy evreı qonystarynyń qurylysyna salynǵan moratorııdi uzartýy kerek. Búgin Nıý-Iorkte ótetin araǵaıyndar «tórttiginiń» (RF, AQSh, Eýroodaq jáne BUU) taıaýshyǵystyq beıbit retteý jónindegi jobasynda osyndaı usynys aıtylyp otyr, dep habarlaıdy ITAR-TASS agenttigi.
Qurylysqa salynǵan qazirgi moratorııdiń merzimi qyrkúıektiń 30-ynda aıaqtalady jáne Izraıl basshylyǵy ony ári qaraı uzartpaıtynyn birneshe ret málim etip úlgerdi.
Májiliske qatysýshylardyń málimdeme jobasynyń mátinimen «Reıter» agenttigi tanystyryp otyr. Qujatta atap kórsetilgendeı, «ótken jyldyń qarasha aıynda Izraıl qurylys jumystaryna engizgen jáne «qoldaýǵa turarlyq» moratorıı, Izraıl men palestınalyq tarap kelesi jylǵa beıbit kelisim jasaýǵa talpynyp otyrǵan kezde, Taıaý Shyǵystaǵy ahýalǵa «óziniń oń áserin tıgizip otyr». «Tórttik» moratorııdiń kúshin ári qaraı uzartýǵa úndep otyr.
