Izraıl elshisimen birge túski as ishken mysyrlyq depýtat mandatynan aıyryldy
ASTANA. QazAqparat - Sársenbide Mysyr Parlamenti buǵan deıin óz úıinde Izraıldiń Mysyrdaǵy Elshisi Haım Korenmen túski as ishken depýtat Taýfık Okashıdi ókilettiginen aıyrý úshin daýys berdi, dep habarlaıdy interfax.ru lıvandyq TheDailyStar basylymynyń saıtyna silteme jasap.
Depýtatqa qarsy sharalar qoldanýǵa 490 parlamentshiniń 465-i daýys bergen.
Basylymnyń málimetterinshe, depýtat ári telejúrgizýshi Okasha ızraıldik Elshini teleshoýdyń tikeleı efırinde túski asqa shaqyrǵan. Túski as ótken aptada depýtattyń úıinde bolǵan.
Alaıda bul oqıǵa mysyrlyq BAQ pen parlamentte keri kózqaras týdyrdy. Basylymnyń jazýynsha, depýtattardyń biri Okashaǵa báteńkesin laqtyrǵan.
Depýtattyń ózi sársenbide ótken daýys berýge jiberilmedi.
1979 jyly Mysyr arab elderiniń arasynda birinshi bolyp Izraıldi moıyndaǵan bolatyn. Degenmen kóptegen mysyrlyqtar Izraıldi áli kúnge deıin jaqtyrmaıdy, dep qosyp ótti basylym.
