Izraıldiń Google-ge degen ókpesi qara qazandaı
ASTANA. 6 mamyr. QazAqparat - Izraıl Google izdeý júıesiniń bastapqy bettegi palestınalyq nusqasynda tańbalanǵan «Palestına terrıtorııasy» degen jazýdy «Palestına» jazýymen almastyrǵany úshin Google korporatsııasyna renjýli.
Izraıl SІM baspasóz hatshysy Igal Palmor mundaı ózgeris Izarıldiń shamyna tıetinin málimdedi.
muslim.kz saıtynyń jazýynsha, Izraıl bıligi málimdememen shektelip qana qoımaı, Google kompanııasynan bul ózgeristiń mánin túsindirýdi talap etken. Google ókili Natan Taıler Zman bul ózgertýdi Birikken Ulttar Uıymy men ózge de halyqaralyq uıymdardyń sheshimine sáıkes engizgenin aıtyp, jaýap qatty.
2012 jyldyń qarasha aıynda BUU Bas Assambleıasynda daýys berý nátıjesinde Palestınaǵa baqylaýshy memleket mártebesi berilgenin esterińizge sala ketkimiz keledi.
