Izraıldiń eks-premeri Olmert 6 jylǵa sottaldy
ASTANA. QazAqparat - Izraıldiń burynǵy premer-mınıstri Ehýd Olmert para alǵany úshin 6 jylǵa bas bostandyǵynan aıyryldy.
Naýryzda Tel-Avıvtiń okrýgtik soty Olmert Ierýsalım meri bolǵan kezde Shmýel Dahner esimdi bıznesmennen 500 myń shekel (140 myń dollarǵa jýyq) alǵanyn anyqtady.
Osydan keıin Olmert Ierýsalımde «Holyland» atty iri qurylys jobasynda Dahnerdiń múddesin qorǵap júrgen. 68 jastaǵy eks-saıasatker óziniń kinásin moıyndamady.
Olmertpen birge aıypkerler oryndyǵynda taǵy 12 adam jaýap berdi, sonyń arasynda onyń keńsesiniń burynǵy basshysy Shýla Zaken, Ierýsalımniń burynǵy meri Ýrı Lýpolıanskı jáne birqatar bıznesmender bar.
Eks-premerge sonymen qatar basqa da jemqorlyq ister boıynsha aıyp taǵyldy, alaıda olar boıynsha aqtalyp shyqty.
