Izraıldiń eks-premeri A.Sharonnyń ómiri qyl ústinde tur
ASTANA. 6 qańtar. QazAqparat - Izraılde dárigerler eldiń burynǵy premer-mınıstri Arıel Sharonnyń densaýlyǵyn óte nashar dep baǵalap otyr, dep habarlaıdy Associated Press.
Aýrýhananyń bas dárigeri Zeev Rotshteınniń sózine qaraǵanda, qan aınalym júıesi turaqtandyrylǵanmen ózge ómirlik mańyzy bar organdary ótken aptada tipti nasharlaı bastady. Z.Rotshteın A.Sharonnyń ómiri qyl ústinde tur dedi.
Eske sala keteıik, 8 jyldan beri komada jatqan 85 jastaǵy saıasatkerdiń hali 2 qańtar kúni múldem nasharlap ketti. A.Sharon 2006 jyly ınsýlt alyp, saıası qyzmetin toqtatqan bolatyn. Izraıl úkimetiniń burynǵy basshysy áli komada jatyr. Onyń otbasy músheleriniń málimdeýinshe, A.Sharon ara-tura kózin ashyp, saýsaǵyn qozǵaltyp turǵan.
