Izraıldiń burynǵy premer-mınıstri temir tordyń ar jaǵynan bir-aq shyqty
ASTANA. QazAqparat - Jemqorlyqqa jol berdi jáne tergeý amaldaryna kedergi keltirdi dep aıyp taǵylǵan Izraıldiń burynǵy premer-mınıstri Ehýd Olmert jazasyn óteýdi bastady.
Mundaı joǵary laýazymdy tulǵa Izraıl tarıhynda alǵash ret sottalǵan. Endi ol ómiriniń 19 aıyn abaqtyda ótkizedi, dep habarlaıdy 24.kz. Jergilikti buqaralyq aqparat quraldarynyń málimeti boıynsha, atalǵan abaqtyny jabdyqtaý úshin el qazynasynan 1 mıllıon AQSh dollary jumsalǵan. Munda eks-premerdiń sybaılastary men áıeldi zorlaǵany úshin jeti jylǵa bas bostandyǵynan aıyrylǵan Izraıldiń burynǵy prezıdenti de qamalǵan.
Aıta ketý kerek,sot isi tolyqtaı aıaqtalǵan joq. Sebebi áli ashylmaǵan 3 qylmys bar. Degenmen premerdiń qorǵaýshylary ony aqtap alýdan úmittenip, Joǵarǵy sotqa apellıatsııalyq shaǵym túsirdi.
«Búgin bas bostandyǵymnan aıyrylyp, qamaýǵa ketip baramyn. Bul meniń jáne maǵan jaqyn adamdardyń janyna qanshalyqty aýyr ekenin sizder sezedi dep senemin. Men sot aldynda bolsyn, ózge jerde bolsyn, taǵylǵan aıyptyń eshqaısysyn da moıyndamaı, kinásiz ekenimdi qaıtalap aıtýdan qaıtpaımyn»,-dedi Izraıldiń burynǵy premer-mınıstri Ehýd Olmert.
