Izraıldik kompanııa Aqmola oblysynda qaz fermasyn salmaq

KÓKShETAÝ. QazAqparat – Aqmola oblysynyń ákimi Ermek Marjyqpaev ızraıldik «Amos VP Agro LTD» kompanııasynyń prezıdentimen kezdesti, dep habarlaıdy QazAqparat tilshisi ákimdiktiń baspasóz qyzmetine silteme jasap.

Kezdesýde sheteldik ınvestor Vladımır Polevoı oblys aýmaǵynda jylyna 10 myń tonna qaz et óndiretin qaz fermasyn salý múmkindigin qarastyrýdy usyndy. Sondaı-aq, kompanııa albyrt balyǵyn ósiretin sharýashylyq salýǵa nıetti. Investıtsııalyq jobalardyń jalpy quny shamamen 100 mıllıon dollardy quraıdy.

Jobalardy júzege asyrý, memlekettik kepildikti qajet etpeıdi. Sheteldik qarjylandyrýdyń somasy 85 paıyzdy quraıdy. Aldaǵy ýaqytta kompanııa óńirde óz jobalarynyń portfelin arttyrýdy josparlaýda.

Ermek Marjyqpaev yntymaqtastyq úshin ákimdiktiń ashyq jáne jobalardy júzege asyrýmen baılanysty máselelerde kómek kórsetýge daıyn ekenin atap ótti.

«Biz, sheteldik ınvestorlardyń el ekonomıkasyna, onyń turaqty damýyn qamtamasyz etýge qosyp otyrǵan úlesin joǵary baǵalaımyz. Qolaıly ınvestıtsııalyq ahýal qurý, bizdiń negizgi basymdylyǵymyz», – dedi aımaq basshysy.

Kezdesýdiń qorytyndysy boıynsha, Aqmola oblysy ákimdiginiń jáne «Amos VP Agro LTD» kompanııasynyń arasynda aýyl sharýashylyǵy salasyndaǵy yntymaqtastyq týraly memorandýmǵa qol qoıyldy.

«Aqmola oblysy el kóleminde júk mashınalarynyń 40 paıyzyn, altynnyń 30 paıyzyn, ýran qospalarynyń 10 paıyzyn, qus etiniń 24 paıyzyn, jumyrtqanyń 16 paıyzyn, un men súttiń 11 paıyzyn óndiretinin atap ótý qajet», – dep tolyqtyrdy vedomstvodan.