Izraıldik ǵalymdar súıek tinin qalpyna keltiretin tyń tehnologııa oılap tapty
ASTANA. QazAqparat - Zaqymdanǵan súıek tinin birneshe aı ishinde tolyq qalpyna keltirýge bolady. Izraıldik ǵalymdar tyń tehnologııa oılap tapqanyn jarııa etti, dep habarlaıdy Habar 24 telearnasy.
Olar naýqastardyń maı jasýshalarynan jartylaı suıyq ımplantant jasap shyǵarǵan. Sonyń kómegimen 11 adamǵa júrgizilgen klınıkalyq zertteýlerdiń barlyǵy sátti aıaqtalǵan. Birneshe aı ishinde olardyń jaq súıekteri qalpyna kelgen.
Endi mamandar tyń tehnologııanyń kómegimen naýqastardyń aıaq-qolyn emdeýge nıetti. Alaıda ol úshin aldaǵy birneshe aıda jańa klınıkalyq zertteýler júrgizilmek. Onyń quny 14 mıllıon dollarǵa baǵalanyp otyr.
