Izraıldik azamattyń júk sómkesinen 1,7 keli almaz tabyldy
ASTANA. 25 naýryz. QazAqparat - Zımbabveniń bılik ókilderi Iohannesbýrgke baǵyt alǵan ızraıldik Shmýel Kaınan Kleındi kontrabandalyq jolmen asyl buıymdardy alyp shyqpaqshy bolǵan jáne mıgratsııalyq
baqylaýdy buzǵan dep aıyptap otyr. Bul týraly The Daily Telegraph-qa silteme jasaı otyryp, Lenta. rý habarlady.
Prokýratýranyń bergen málimetine qaraǵanda, shetel azamaty jalpy quny 2 mıllıon dollardan astam somaǵa 1,7 keli almaz tasyn alyp shyqpaqshy bolǵan.
Áýejaı qaýipsizdik qyzmetiniń qyzmetkerlerimen sóılesý kezinde sekem bildirgen, azamattyq áýe ushqyshynyń kıimin kıip alǵan Kleın qosymsha tekserýden ótýge májbúr boldy. Tekserý barysynda júk sómkesinen plastıkalyq paketke jáne birdollarlyq banknotqa oralǵan óńdelmegen almaz tastary tabyldy.
The Daily Telegraph gazetiniń jazǵan málimetine súıensek, kúdikti áýe kompanııalardyń birinde ushqysh bolyp jumys istegen.
Aıta keteıik, Zımbabve óńdelmegen almaz tastaryn óndirý boıynsha álemdegi naryqta jetekshi orynǵa ıe.
