Izraıl delegatsııasy Iran basshysynyń baıandamasy kezinde zaldan shyǵyp ketti

Islam respýblıkasy basshysynyń Tegerannyń qaýipsizdigine qater tóndirip turǵan «varvar-sıonıster» jónindegi sózderi evreı memleketi ókilderiniń yzasyn týdyrǵan.  Bul týraly BAQ.KZ portaly jazyp otyr.

RBK Associated Press-ke silteme jasaı otyryp, Iran Prezıdentiniń sózi álemdi qaıta qurýǵa arnalǵan bolatyn, onyń oıynsha álem «tákapparlyqtyń ústemdik etýinen» qutylýy qajet dep habarlaıdy.

M. Ahmadınejad baıandamasynda ádettegideı AQSh pen Izraılge qatysty ótkir syn aıtty. «Taǵy-sıonıster tarapynan bizdiń uly ultymyzǵa qarsy qarýly basqynshylyq áreketter jasaý qaýpi tónip tur. Bul qatal shyndyqtyń aıqyn mysaly», - deıdi saıasatker. Iran basshysynyń sózi Izraıl delegatsııasynyń ashýyn týdyryp, olar baıandama barysynda májilis zalynan shyǵyp ketti.

M. Ahmadınejad baıandamasynda óz eliniń ıadrolyq baǵdarlamasyna qatysty tis jarmady. Sonymen qatar, ol senimdi túrde Izraılde únemi jetildirilip otyratyn atom qarýynyń qoımasy bar ekendigin aıtty.

BUU Bas Assambleıasynyń qyrkúıektiń sońyndaǵy otyrystary jyl saıyn osy sıpatta ótedi. Osydan bir jyl buryn, 2011 jylǵy 24 qyrkúıete Mahmud Ahmadınejad BUU-da Izraıl men Eýroatlanttyq qoǵamdastyq elderine qatysty budan da ótkir syn aıtqan bolatyn. Ol kezde prezıdent óz eli men búkil álemge tónip turǵan lıberalızm, marksızm jáne sıonızm sııaqty úsh qaterdi atap aıtqan bolatyn. Sekýlıarlyq qundylyqtardyń mádenı yqpalyna Iran basshysy óz eliniń baǵyty bolyp tabylatyn dinı konservatızmdi qarsy qoıdy. Mahmud Ahmadınejad basqa memleketterdi de Irannan úlgi alýǵa shaqyrdy.

Islam Respýblıkasy Prezıdentiniń BUU-daǵy bıylǵy baıandamasy ol úshin sońǵy bolýy da múmkin. 2012 j. maýsymda M.Ahmadınejad 2013j. belgilengen kelesi prezıdent saılaýynan bas tartamyn degen bolatyn. Sonymen qatar, sarapshylar memleket basshysynyń ornynan ketýi Irandaǵy jaǵdaıdy ózgertýi neǵaıbyl, sebebi eldegi bılik prezıdenttiń emes, sheıit musylmandardyń rýhanı basshysy - aıatolla Álı Hameneıdiń qolynda deıdi.