Izraıldegi ıadrolyq reaktorǵa Shımon Perestiń esimi berildi
ASTANA. QazAqparat - Izraıldiń premer-mınıstri Benıamın Netanıahý Negev shólindegi ıadrolyq reaktordyń budan bylaı Shımon Perestiń atymen atalatyndyǵyn aıtty.
Bul týraly QazAqparat Bı-bı-sıge silteme jasap habarlaıdy.
Bul málimdemeni Netanıahý mınıstrler kabınetiniń májilisinde aıtty.
Shımon Peres 1950 jyldardyń sońynda frantsýzdardyń kómegimen Dımonda qupııa ıadrolyq ortalyqtyń qurylýynda jetekshi ról atqardy.
Qazirgi tańda atalmysh nysan Negev ıadrolyq zertteý ortalyǵy dep atalady. Netanıahýdyń málimdeýinshe, Perestiń eldiń qaýipsizdigin saqtaıtyn osy ortalyqty qurýyna oraı onyń esimin máńgilikke saqtaǵan durys.
Aıta keteıik, Shımon Peres 1 ret Izraıl prezıdenti jáne eki márte premer-mınıstri bolyp, qyrkúıek aıynda 93 jasynda ómirden ótti.
Ol Izraıl memleketiniń negizin qalaýshylardyń biri. Izraıl memleketiniń ókilderi ádetterinshe elde ıadrolyq qarýdyń bar nemese joq ekendigin aıtpaıdy. Sarapshylardyń basym kópshiligi bul elde ıadrolyq qarý bar degen pikirde.
