Izraıldegi saılaýda Bınıamın Netanıahýdyń «Lıkýd» partııasy ozyp tur – ekzıtpol
ASTANA. QazAqparat – Izraıldiń burynǵy premer-mınıstri, oppozıtsııa jetekshisi Bınıamın Netanıahý basqaratyn «Lıkýd» partııasy seısenbide ótken Knessetke (Izraıl parlamenti – red.) merziminen buryn ótken saılaýdyń qorytyndysy boıynsha birinshi orynda tur, dep habarlaıdy QazAqparat Euronews.com agenttigine silteme jasap.
Mundaı derekter «Kan» memlekettik telearnasynyń ekzıtpolynyń qorytyndylary boıynsha keltirilgen. Osy málimetterge sáıkes, Bınıamın Netanıahý partııasy 120 oryndyq parlamentte 30 mandat alady.
«Lıkýd» partııasyn basqaratyn Bınıamın Netanıahý blogy 62 depýtattan turatyn úkimettik koalıtsııa qura alady, al 1996 jyldan 1999 jylǵa deıin jáne 2009 jyldan 2021 jylǵa deıin osy qyzmetti atqarǵan burynǵy premer-mınıstrdiń ózi qaıtadan Izraıldiń mınıstrler kabınetin basqara alady.
Aldyn ala málimetter boıynsha, qazirgi premer-mınıstr ıAır Lapıdtiń «Esh atıd» partııasy 22 mandatpen ekinshi orynda.
Buǵan deıin Izraılde 1 qarashada parlament saılaýy bastalǵany týraly habarlanǵan bolatyn. Búkil el boıynsha 12 myńnan astam saılaý ýchaskesi ashyldy, bul 6,7 mıllıonnan astam ızraıldik saılaýshyǵa 25 shaqyrylymnyń Knesset (parlament) saılaýynda daýys berýine múmkindik berdi.
Foto: Reuters
