Izraıldegi ekologııalyq apat: tazalaý jumystaryna aılar, tipti jyldar ketýi múmkin
TELЬ-AVIV. QazAqparat – Jerorta teńizinde munaı ónimderiniń tógilýi saldarynan Izraıl jaǵalaýynyń 160 shaqyrymǵa jýyq ýchaskesi gýdron nemese shaıyrǵa uqsas qara uıyndy jamyldy. Bul eldiń tabıǵaty men janýarlar álemi úshin ekologııalyq apat, dep habarlaıdy QazAqparat Deutsche Welle-ge silteme jasap.
Jeksenbi kúni Izraıl bıligi adamdardy Jerorta teńiziniń jaǵajaılarynan alys júrýge eskertti, sebebi onda alyp munaı daǵyn tazalaý jumystarymen myńdaǵan jumysshy men eriktiler aınalysyp júr.
Izraıl eliniń Qorshaǵan ortany qorǵaý mınıstrliginiń baǵalaýynsha, qara uıyndylar belgisiz kemeden ondaǵan nemese júzdegen tonna munaıdyń tógilýi saldarynan bolǵan.
Izraıldiń Tabıǵat jáne saıabaqtar basqarmasy munaıdyń tógilýin el tarıhyndaǵy «eń kúrdeli ekologııalyq apattardyń biri» dep atady. Resmı tulǵalar tazalaý jumystaryna aılar, tipti jyldar ótýi múmkin ekenin málimdedi.
Tatıana Kýdrenok
