Izraıldegi álemdegi eń bıik kún elektr stansasy qurylysyna 800 mln dollar jumsalmaq
ASTANA. QazAqparat - Izraılde munara ispettes alyp kún elektr stansasy salynyp jatyr. Bıiktigi 240 metrlik nysannyń jan-jaǵyna 50 myń aına ornatylmaq.
Osylaısha, kún sáýlesi munaranyń eń bıik shyńynda ornalasqan bý qazanyna baǵyttalady. Sý býǵa aınalyp, elektr energııasyn óndiretin týrbınaly generatordyń jumys isteýine múmkindik beredi. Jobanyń qýaty - 121 megavatt. Álemdegi eń bıik kún elektr stansasynyń qurylysyna 800 mln AQSh dollary jumsalady, dep habarlaıdy 24.kz.
«Bul kún elektr stansasyn mıllıon sharshy metrge ulasqan aınalar qorshaıdy. Bıiktigi boıynsha álemde kósh bastaıtyn nysannyń qýattylyǵy da aıtarlyqtaı joǵary bolmaq. Bastysy, qurylys barysynda zamanaýı tehnologııalardy qoldanyp otyrmyz»,-deıdi Megalim Solsr Power kompanııasynyń basshysy Eran Gartner.
