Izraılde júk kóligi men shaǵyn avtobýs soqtyǵysyp, 6 adam mert boldy
ASTANA. QazAqparat - Izraılde júk kóligi men shaǵyn avtobýs soqtyǵysyp, 6 adam mert boldy, taǵy 5 adam jaraqat aldy.
The Jerusalem Post basylymynyń habarlaýynsha, kólik apaty 4 qarasha, jeksenbi kúni tań ata Óli teńiz mańyndaǵy Iordan alqabynda bolǵan.
Basylymnyń jazýynsha, júk kóligi shaǵyn avtobýspen soqtyǵysqan. Alaıda ázirge kólik apaty boıynsha resmı málimdeme jasalǵan joq.
Qutqarýshylarǵa júk kóligine keptelip qalǵan adamdardy arnaıy qurylǵynyń kómegimen alýǵa týra keldi. Zardap shekkenderdiń barlyǵy aýrýhanaǵa arnaıy tikushaqpen jetkizildi. Jaraqattanǵandardyń biriniń jaǵdaıyn dárigerler óte kúrdeli dep baǵalap otyr.
Júk kóliginiń júrgizýshisi em-domdy qajet etpedi. Medıtsına mamandary ony tekserip bolǵan soń polıtsııa júrgizýshini qamaýǵa aldy.
Foto korrespondent.net saıtynan alyndy
