Izraılde jaǵdaıdyń ýshyǵýyna oraı «Astana» men «Hapoel» arasyndaǵy match Qazaqstanda ótetin boldy
ASTANA. QazAqparat - Izraılde oryn alǵan saıası jaǵdaılarǵa oraı, Eýropa Lıgasy aıasyndaǵy «Astana» men «Hapoel» arasyndaǵy alǵashqy oıyn Tel-Avıvte emes, Qazaqstanda ótetin boldy. Bul týraly astanalyq klýbtyń baspasóz qyzmeti habar taratty.
Buǵan deıingi jospar boıynsha «Astana» Eýropa Lıgasynyń ekinshi raýndyndaǵy alǵashqy oıynyn 17 shilde kúni Tel-Avıvtyń «Hapoel» komandasyna qarsy ótkizetin bolǵan.
«Alaıda Izraılde qalyptasqan saıası jaǵdaılarǵa oraı, ÝEFA osy juptyń arasyndaǵy oıyndy Tel-Avıvte emes Qazaqstanda ótkizý týraly sheshim qabyldady. Sonymen qatar, qarymta matchtyń ótkiziletin orny ázirge belgisiz», - delingen baspasóz baıanynda.
