Izraılde VI ǵasyrǵa jatatyn júzim syǵatyn úlken qurylǵy tabyldy
ASTANA. Aqpannyń 25-i. QazAqparat - Izraıl arheologtary Ierýsalımnyń ońtústiginen 40 shaqyrym jerde júzim syǵatyn úlken qurylǵyny tapty,
dep habarlaıdy QazAqparat Associated Press saıtyna silteme jasap. Olja áýlıelerdiń tabany tıgen bul jer Vızantııa ımperııasynyń ıeliginde bolǵan b.d.d. VI-VII ǵasyrlarǵa jatady.
Syǵymdaý qurylǵysynyń mólsheri - 16,5h6,5 metr. Ǵalymdar onyń kómegimen jergilikti turǵyndardyń tutynatynynan áldeqaıda mol sharap jasalǵan dep topshylaıdy. Bul sharaptardyń satýǵa shyǵarý maqsatynda jasalǵanyn bildiredi. Tarıhshylar Palestınada jasalǵan sharaptardyń negizgi satylatyn bazary, bul kezeńde, Mysyr bolǵan deıdi. Perǵaýyndar eliniń, óz kezeginde, Shyǵys Jerorta teńizi jaǵalaýyndaǵy qalalardy astyqpen qamtamasyz etkeni belgili.
Arheologtar syǵymdaý qurylǵysynyń ózgeshe pishinine kóńil bóledi: ol segiz qyrly, ádette mundaı qurylǵylarǵa arnalǵan nysandar dóńgelek bolyp bolyp keledi. Zertteýshiler syǵymdaý qurylǵysynyń segiz qyrly nysanda bolýyn estetıkalyq sıpattan basqa ózge joramaldarmen baılanystyrmaıdy.
