Izraılde ustalǵan Aıdar Qasymovtyń kóliginen 2 tapansha tabylǵan
ASTANA. QazAqparat - Qaraqshylyq jasady degen kúdikpen Izraılde 35 jastaǵy qazaqstandyq qamaýǵa alyndy, dep habarlady IzRus portaly.
Jergilikti polıtsııa baspasóz qyzmetkeri Mıhaıl Zıngerman habarlaǵandaı, Qazaqstan azamaty Aıdar Qasymovty Hod ha-Sharon okrýgi tergeýshileri tutqyndady. Onyń kóligin teksergen polıtseıler 2 tapansha, betperde, pyshaq, urlanǵan asyl zattar men kóp mólsherdegi aqshany tapqan.
Polıtsııa taratqan aqparatqa súıensek, ol egde adamnyń otbasy men jas qyzdy tonaǵan. Derek boıynsha, ol Hod ha-Sharon qalasynda tańerteń qyzdyń úıine basa kóktep kirip, ony baılap, qylqyndyryp seıfin tonap ketken. Ekinshisinde, 23 shilde kúni Tel-Avıvte qarııanyń úıine túsken. Qazaqstan azamatynan tabylǵan zattardy japa shekkender tanyǵan.
